भांगरभूंय | प्रतिनिधी
मासिक पाळी वा पीरियड्सा विशीं आयज लेगीत बरेच भारतीय उक्तेपणान उलयनात. पिरियड्स म्हणपा सावन ते पॅड विकत घेवपा मेरेन सगळेंच आजुनूय गुपीत स्वरांत सांगतात. ह्या विशयाचेर उक्तेपणान चर्चा जावंक नाशिल्ल्यान जायते गोंदळ निर्माण जातात. मासीक पाळये विशीं असोच एक समज आसा, जो आदीं सावन चलता. तो म्हळ्यार मासीक पाळयेचें रगत वायट वा अशुद्ध आसता. आयज लेगीत अशें जायते लोक मानतात. घरांतलीं जाण्टीं बायलांच अशें मानतात देखून पिरायेर आयिल्ल्या चलयांकय तशें दिसता. हें विशीं जाणून घेवया.
मासीक पाळी म्हणल्यार नेमकें कितें?
चली पिरायेंत येता तेन्ना सैमान तिच्या आंगांत प्रजनना खातीर म्हळ्यार भुरग्याक जल्म दिवपा खातीर एक वेवस्था बांदल्या; हाकाच आमी पुनर्उत्पादन पद्दत म्हणटात. तातूंत गर्भाशय (गर्भाशय), फॅलोपियन ट्यूब, अंडाशय हांचो आस्पाव जाता.
सादारणपणान चली वयांत येतकच तिचें अंडाशय दर म्हयन्याक एका वेळार एक तातीं सोडटा. हें सोडून दिल्लें तांतें फॅलोपियन ट्यूबांत वता. ह्या वेळार तांतयां आनी शुक्राणू एकठांय आयल्यार गर्भ उरूंक शकता. जर ते एकमेकांक मेळूंक ना जाल्यार हीं फळाक येवंक नाशिल्लीं तांतयां गर्भाशयांत पावतात, पूण गर्भाशयांत अशें फळाक येवंक नाशिल्लीं तांतयां दवरपाची कांयच गरज नासता. कारण- ताचो प्रजोत्पादनाचे नदरेन परत कांयच उपेग जायना. ताका लागून तीं गर्भाशयांतल्यान भायर उडोवपाची प्रक्रिया सुरू जाता आनी तेच प्रक्रियेक आमी मासीक पाळी म्हणटात.
मासीक पाळयेचो उद्देश म्हळ्यार ज्या तांतयाचें शरिरांत कांयच काम ना तीं शरिरा भायर काडून उडोवप आनी फुडल्या म्हयन्या खातीर नव्या तांतयांची निर्मिती करप. जाल्यार पुराय रि- प्रॉडक्टिव्ह सिस्टीम आनी ताचे वांगडा आशिल्ले इस्ट्रोजन आनी प्रोजेस्ट्रोन हे हार्मोन तातूंत काम करतात. सांगपाचें म्हळ्यार मासीक पाळी मजगतीं बायलेच्या शरिरा भायर पडपी रगत हें वेगळे तरेचें रगत न्हय. ताका कसलेच तरेचें दुशीत रगत म्हणप योग्य न्हय.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
