भांगरभूंय | प्रतिनिधी
मडगांव, प्रतिनिधी : शेनवारा रातच्या वेळार टोको बार लागसारा कोल्ड्रीक्साची येरादारी करपी टेम्पोन दोन चाकी वाहनाक धपको दिलो. ह्या अपघातांत ती चलोवपी सेनरॉय रमेश पिंटो (20, बराडी, वेळ्ळी) हो गंभीर जखमी जालो. हॉस्पिटलांत व्हरतना ताका मरण आयलें. हे विशीं टेम्पो ड्रायव्हराचेर कुंकळ्ळी पुलिसांनी गुन्यांव नोंद केला.
मेळिल्ले म्हायती प्रमाण, शेनवारा सांजेवेळार सुमार 7.30 वरांचेर हो अपघात घडलो. टेम्पो बेतूल हांगच्यान वेळ्ळीचे दिकेन वतालो. टोको बार्रा लागसार आयलो तेन्ना ताणे फुडल्यान येवन दोनचाकीक धपको दिलो. ह्या अपघातांत जखमी जाल्ल्या सेनरॉय पिंटोक दक्षीण गोंयच्या जिल्हो हॉस्पिटलांत व्हरतना वाटेरूच मरण आयलें.
कुंकळ्ळी पुलिसांनी घडणुके सुवातेर वचून पंचनामो केलो. तशेंच टेम्पो चालकाचेर गुन्यांव नोंद केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
