भांगरभूंय | प्रतिनिधी
मंगळुरू, खबरां संस्था: अंदूं अखील भारतीय कोंकणी साहित्य संमेलन ४ आनी ५ नोव्हेंबराक विश्व कोंकणी केंद्र, शक्तीनगर, मंगळुरू हांगां जातलें. फाल्यां सकाळच्या १० वरांचेर संमेलनाचें उक्तावण जातलें. ह्या संमेलनाच्या अध्यक्षपदाचेर ज्येश्ठ साहित्यीक हेमा नायक हाजीर आसतली. मुखेल सोयरे म्हणून हिंदी कवी, पटकथाकार उदयन वाजपेयी हाजीर आसतले. जाल्यार समारोप सुवाळ्याक मुखेल सोयरी म्हणून कन्नड कवी ममता जी. सागर हाजीर रावतली.
फाल्यां संमेलनाच्या पयल्या सत्रांत सकाळच्या ८.३० वरांचेर नांव नोंदणी जाले उपरांत नागेश करमली दरवट्या सावन मिरवणूक काडटले. १० वरांचेर कार्यावळीच्या उक्तावणा उपरांत परिसंवादांक सुरवात जातली.
परिसंवाद १ : ‘कोंकणी साहित्य चळवळ आनी प्रोत्साहना खातीर पावलां’ ह्या विशयाचेर परिसंवाद जातलो. अध्यक्ष डॉ. नारायण देसाय आसतले. हातूंत पयन्नूर रमेश पै, फादर जेसन पिंटो, डॉ. प्रकाश वझरीकार, आल्फी मोंतेरो हे मानेस्त वांटो घेतले. निरिक्षक म्हणून डॉ. सुनीता काणेकार; डॉ. अरविंद शानभाग आसतले.
संमेलनाच्या दुसर्या सत्रांत २.३० वरांचेर राजय पवार, दिलीप बोरकार, अँड्र्यू डिकुन्हा, माया खरंगटे, विन्सी पिंटो, नवीन भक्ता, अँथनी बारकूर, कृष्णकुमार कामत, रेमंड डिकुन्हा, फेल्सी लोबो, रोजारिओ पिंटो, दिनेश मणेरकार, संदेश बांदेकार, सय्यद समीउल्ला साहित्य सादरीकरणांत वांटेकार जातले. ४ वरांचेर सुरू जावपी ‘बालसाहित्य आनी युवा लेखकांचें साहित्य’ दुसर्या परिसंवादाचे अध्यक्ष डॉ. प्रकाश पर्येंकार हाजीर आसतले. हातूंत बालकृष्ण मल्ल्या, रोशू बाज्पे, रत्नमाला दिवकार, अन्वेषा सिंगबाळ वांटो घेतलीं. जाल्यार निरिक्षक म्हणून डॉ. प्रशांती तळपणकार, मार्कूस गोन्साल्वीस आसतलीं. ५.३० वरांचेर सुरू जावपी परिचर्चेंत ‘समकालीन लेखकां खातीर आव्हानां’ ह्या विशयावेले भासाभाशेंत उदयन वाजपेयी, ममता सागर, पुरुषोत्तम बिळिमले वांटो घेतले. सांजेच्या ७ वरांचेर लोकवेद सादरीकरण आनी ‘जुगारी’ हें नाटक सादर करतले.
संमेलनाच्या दुसर्या दिसा, ५ नोव्हेंबराक सकाळच्या ९.३० वरांचेर तिसर्या परिसंवादाक सुरवात जातली. ‘कोंकणी रंगमाचयेची दशा आनी दिशा’ ह्या विशया वयल्या परिसंवादाचे अध्यक्षसुवातेर हनुमंत चोपडेकार हाजीर रावतले. हातूंत कृष्ण भट, एड्डी सिकेर, दीपराज सातार्डेकार वांटो घेतले. निरिक्षक म्हाणून डॉ. तन्वी कामत बांबोळकार आनी प्रकाश शणै हाजीर आसतलीं. तशेंच ह्या संमेलनाच्या चवथ्या आनी निमाण्या परिसंवादाक १०.४५ वरांचेर सुरवात जातली. ‘कोंकणी साहित्याचे उदरगतींत नेमाळीं आनी समाज माध्यमांचें योगदान’ ह्या परिसंवादाचे अध्यक्ष म्हणून अनंत प्रभू आसतले जाल्यार तातूंत डॉ. हरिंद्र शर्मा, विल्सन कटील, डॉ. जयंती नायक, वल्ली क्वाड्रस, वांटो घेतले. निरिक्षक म्हूण मानसी धाउस्कार काम पळयतलें. दनपारच्या १२ वरांचेर साहित्य सादरीकरण जातलें. हातूंत स्टॅनी बेळा, कवींद्र फळदेसाय, जोफा गोन्साल्वीस, ग्लॅनीश मार्टीस, ममता वेर्लेकार, हेमंत अय्या, सारीका नायक, सागर वेळीप, विश्वप्रताप पवार, अद्वैत साळगांवकार, महादेव गांवकार, गोविंद मोपकार, मंगेश हरीजन, आकाश गांवकार, रेनिशा डिसोजा वांटो घेतले.
दनपारच्या २.३० वरांचेर गटचर्चा /थाराव मांडटले. ३.३० वरांचेर संमेलन सोंपतलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
