भांगरभूंय | प्रतिनिधी
पणजी, प्रतिनिधी : फेरिबोट तिकीट दरवाडीक लोकां सयत आमदारांचो विरोध जावपाक लागला. हे फाटभूंयेर सरकार लोकांच्या मागणेचो विचार करून निर्णय घेतलो, अशे न्हंय येरादारी मंत्री सुभाष फळदेसाय हांणी सांगलां. हाका लागून तिकेटी विशींच्या सरकाराच्या निर्णयांत बदल जावपाक शकता.
मजगतीं, लोकांनी ही तिकीट दरवाड मान्य करून सरकाराक पालव दिवचो, असो उलो मंत्री फळदेसाय हांणी मारला.
चार चाकी गाडयां खातीर 40 रुपया जाल्यार दुचाकी खातीर 10 रुपया तिकीट आकारपाचो प्रस्ताव आसा. चोडण, दिवाडेच्या लोकांनी तिकेट दरवाडीक खर विरोध केला.
फेरीबोटींतल्यान जे लोक सदा प्रवास करतात तांणी पास काडचो. दुचाकी खातीर म्हयन्याक 150 रुपया जाल्यार चार चाकी गाडया खातीर 600 रुपया पास आसा. हे दर सामान्य लोकांक सहज परवडपा सारके आसात. नव्यो फेरीबोटी घेतले जाल्यार निधीची गरज आसा. दुचाकीक तिकीट लायली जाल्यार वर्साक 2 नव्यो फेरीबोटी घेवप सरकाराक शक्य जातलें. येणावलीची गळटी पयस करपा खातीर तिकीट पद्दत डिजीटल करपाची गरज आसा, अशे मंत्री फळदेसाय हांणी सांगलें.
कुंभारजुंवेचे आमदार राजेश फळदेसाय हांणी दिवाडेच्या लोकांक तिकेटीतल्यान सुट दिवपाची मागणी केल्या. लोक तशेंच आमदारा कडेन चर्चा करून सरकार फेरीबोट तिकेटी विशीं फुडलो निर्णय घेतलो, अशे मंत्री फळदेसाय हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
