भांगरभूंय | प्रतिनिधी
मडगांव, प्रतिनिधी : बेताळभाटीच्या सेंट जुड्स हायस्कुलांत सीसीटीव्ही डीव्हीआर सयत ७० हजार रुपया चोरले. कोलवा पुलीस फुडलो तपास करतात.
मेळिल्ले म्हायती प्रमाण, हायस्कुलांत १ नोव्हेंबराक रातच्या अडेज ते २ नोव्हेंबराक सकाळीं सुमार साडेआठ वरां मजगतीं ही चोरी जाली. मुख्याध्यापक सुनंदा कार्दोज हांणी हे विशीं कोलवा पुलिशेंत कागाळ दाखल केल्या.
चोरांनी हायस्कुलाचे इमारतींतल्या कार्यालयाच्या मुखेल दाराचें कुलूप तोडून कार्यालयांत प्रवेश केलो. कार्यालयांत दवरिल्ली ७० हजार रुपयां सयत सीसीटीव्ही फुटेजींत पुलिसांक पुरावो मेळचो न्हय देखून तांणी सीसीटीव्ही डीव्हीआरूय चोरलो. हे विशीं कोलवा पुलीस फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
