भांगरभूंय | प्रतिनिधी
मडगांव, प्रतिनिधी : नेसाय हांगा बुधवारा फारपेट जालो. कॉन्सी फर्नांडीस हांच्या घरा मुखार दुबावीत निलेश वेर्णेकार आनी हेर दोगांनी तीन गुळयो मारल्यो आनी थंयच्यान पळ काडलो. हे घडणुकेंत कोणाक कांय जावंक ना. मायणा- कुडतरी पुलिसांक दोन गुळयो सांपडल्यो. दुबावितां आड गुन्यांव नोंद जाला.
ही घडणूक बुधवारा रातच्या ११ वरांचेर नेसाय हांगा घडली. कॉन्सी फर्नांडीस हांच्या घरा लागसार एका प्रकल्पाचें काम चलता. ताचे आड कॉन्सी फर्नांडीस हे न्यायालयांत गेले. हेच मालमत्तेच्या वादांतल्यान ही घडणूक घडिल्ल्याचो दुबाव आसा. निलेश वेर्णेकार हे ‘ब्लॅक टायगर’ सुरक्षा एजन्सी चलयतात. निलेश हांचे वांगडा आनीक दोग गाडयेंतल्यान कॉन्सी हांच्या घरा मुखार आयले. तेन्ना कॉन्सी हांच्या कुटुंबातले लोक घरांतूच आशिल्ले. दुबावितांनी तांच्या घरा दिकेन पिस्तुलाच्यो तीन गुळयो मारल्यो आनी उपरांत घडणुके सुवातेवेल्यान पळ्ळे. कॉन्सी हांणी हे विशीं म्हायती मायणा- कुडतरी पुलीस स्टेशनाचेर दिली. पुलीस दुबावितांचो सोद घेतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
