पश्चीम विभागीय परिशद बसकेक मुख्यमंत्र्यांनी लायली हाजेरी
भांगरभूंय | प्रतिनिधी
प्रतिनिधी:पणजी : गांधीनगर (गुजरात) हांगच्या 26व्या पश्चीम विभागी परिशदेक गोंयचे मुख्यमंत्री डॉ. प्रमोद सावंत हांणी हाजेरी लायली. केंद्रीय गृहमंत्री अमीत शाह हांचे हस्तुकीं सोमारा परिशदेचें उक्तावण जालें.
मुख्यमंत्री डॉ. प्रमोद सावंत हांचे सयत महाराष्ट्र, गुजरात दादरा नगर हवेली, दमण आनी दीव ह्या केंद्रशासीत प्रदेशांचे मुख्यमंत्री परिशदेक हाजीर आसा. उदक, पर्यावरण तशेंच मुळाव्या सुविधांचेर बसकेत चर्चा जातली. पश्चीम विभागांतल्या राज्यांच्यो ज्यो समस्या आसात, ताचेर बसकेंत विचार जातलो. दुरसंचार, इंटरनेटचे जाळे तशेच गुन्यावकारी घडणुकांचेर नियंत्रण दवरपा विशीं बसकेंत चर्चा जातली. केंद्र आनी राज्य हांचे मदीं बरे संबंध आसपाक जाय. केंद्र आनी राज्यांमदी समन्वय सादपाच्या हेतांतल्यान ही बसका जाता, अशें केंद्रीय गृहमंत्री अमित शाह हांणी म्हणलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
