भांगरभूंय | प्रतिनिधी
फोंडें: बोरये बेकायदो गायेचें मास व्हरपी रिक्षा फोंडें पुलिसांनी जप्त केल्या. बजरंग दलाच्या कार्यकर्त्यांनी ही रिक्षा धरली आनी पुलिसांचे सुवादीन केले उपरांत कारवाय केली. ह्या प्रकरणांत अल्फाझ बेपारी (27), फैजल बेपारी (32) आनी रिहास बेपारी (47, सगले बाणावली रावपी) हांकां अटक केल्या.
पुलिसांनी दिल्ले म्हायती प्रमाण बेळगांव सावन व्हड प्रमाणांत गायेचें मांस घेवन एक वाहन गोंयांत आयिल्लें. ह्या वाहनांत 180 कील गायेचें मास आयतारा दनपारां जीए 08 यू 5112 क्रमांकाचे रिक्षेंतल्यान देंवयलें. ही रिक्षा बोरी हांगा पावले उपरांत बजरंग दलाच्या कार्यकर्त्यांनी आडावन कागदपत्रांची तपासणी केली. पूण रिक्षांत आशिल्ल्या दुबाविता कडेन गरजेचीं कागदपत्रां नाशिल्ल्यान रिक्षा पुलिसांचे सुवादीन केली.
अशय कोर्डे हांणी रितसर कागाळ दिले उपरांत पुलिसांनी गुन्यांव नोंद केलो. ह्या प्रकरणांत निरिक्षक तुषार लोटलीकार हांच्या मार्गदर्शना खाला उपनिरिक्षक आदित्य वेळीप ह्या प्रकरणाचो फुडलो तापस करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
