सरभोंवतणी
भांगरभूंय | प्रतिनिधी
० अस्नोड्यां ग्रामपंचायत, नवो मार्ग फावंडेशन, गोंय पंचायत महिला शक्ती अभियान, मातोश्री सेवा धाम भलायकी सेवा ट्रस्ट हांच्या जोड पालवान फुकट दोळे तपासणी शिबिराचें आयोजन सोमार २८ ऑगस्टाक केलां. अस्नोडा पंचायत सभाघरांत सकाळीं ९.३० ते सांजेवेळार ४.३० वरां मेरेन हें शिबीर जातलें.
० सरकाराच्या आत्मनिर्भर भारत स्वयंपूर्ण गोंय ह्या उपक्रमा खाला आभा (आयुष्यमान भारत भलायकी खातें) कार्ड नोंदणी कार्यावळ सोमार २८ ऑगस्टाक सकाळीं १० ते दनपरां १ वरां मेरेन साळ (दिवचल) ग्रामपंचायतीच्या सभाघरांत जातली.
० म्हापशें श्री लक्ष्मीनारायण देवळांत श्रावणी सोमारा निमतान आश्विन भोबे आनी भावां वतीन २८ तारखेक सांजवेळा ७ वरांचेर ‘भक्तिरंग’ हो अभंग आनी नाट्यगीतांचो कार्यक्रम.
० दिवचल इनर व्हील क्लबा वतीन १ आनी २ सप्टेंबराक चवथीचो बाजार आयोजीत केला. हांतूत सजावटीच्यो वस्तू, कपडे, फराळ आनी हेर वस्तूंचे स्टॉल लावपाक एक हजार रुपया नोंदणी शुल्क घेतले. चड म्हायती खातीर मिलिंदा कामत ९८२२१२३५३०, लिंडा तेली ९८२३१६५०५४ हांचे कडेन संपर्क करचो, अशें कळीत केलां.
० कला आनी संस्कृती संचालनालच्या बरेपणान आनी इन्स्टिट्यूट मिनेझीस ब्रागांझाच्या जोडपावलान स्वररजनी वतीन ‘मै केवल तुम्हारे लिये गा रही हुं’ ही कार्यावळ ३ सप्टेंबराक सांजवेळा ६ वरांचेर आयएमबीच्या सभाघरांत जातली.
० सांखळे रवींद्र भवना वतीन दिवचल आनी सत्तरी तालुको मर्यादीत घुमट आरती सर्त १० सप्टेंबराक जातली. ही सर्त रवींद्र भवनांत सकाळीं १० वरांचेर जातली. पयलीं येवपी फकत १० पंगडाक प्रवेश मेळटलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
