चांद्रयानाक लागून 13 कंपनींक 20 हजार कोटींची जोड
भांगरभूंय | प्रतिनिधी
नवी दिल्ली, खबरां संस्था : भारताच्या चांद्रयान- 3 न चंद्राचेर पावल दवरून इतिहास निर्माण केला. हें काम फकत इस्रोचें न्हय, तर ताच्या बांदकामांत योगदान दिल्ल्या सगळ्या कंपनींचें. मजेची गजाल म्हळ्यार चांद्रयानान चंद्राचेर पावल दवरचे पयलींच देशांतल्या 13 कंपनींनी 20 हजार कोटी रुपयां परस चड जोडिल्ले. ह्यो एरोस्पेस वेवसाया कडेन संबंदीत कंपनीं आसात. फुडल्या वर्सांनी तांची कमाय आनीक वाडपाची शक्यताय आसा. खरें म्हणल्यार भारतीय शॅर बाजारांतल्यान 13 कंपनींनी बरेंच जोडलां. सुमार सप्तका सावन ह्या कंपनींचे शॅर वाडत आसात, ताका लागून तांची बाजारपेठय वाडल्या. हाचो अर्थ चांद्रयान 3 चंद्राचेर पावल दवरचे पयलीं डझनभर कंपन्यांचें बाजार मोल २० हजार कोटी रुपया वाडिल्लें.
शॅर मोल वाडलें
रॉकेट नेव्हिगेशनांत वापरिल्ल्या इलॅक्ट्रॉनिक्स घटकां पसून ते धातुच्या गियरा मेरेन उपकरणांची पुरवण करपी 13 कंपनींच्या शॅरांचें बाजार मोल ह्या सप्तकांत 2.5 अब्ज डॉलर परस चड वाडलां अशें ब्लुमबर्गान सांगलां. भारतीय अंतरीक्ष संशोधन संघटनेच्या चंद्रयान 3 रॉकेटान बिरेस्तारा सांजवेळा चंद्राच्या दक्षीण ध्रुवाचेर सॉफ्ट लँडींग करपी भारत हो संवसारांतलो एकसुरो देश जाला.
खंयचे कंपनीच्या शॅरांत कितली वाड?
एरोस्पेस पुरवणदारांत उद्देगीक वायू कंपनी लिंडे इंडियाक चड फायदो जाला. ह्या काळांत कंपनीच्या शॅरांत 23 टक्क्यांनी वाड जाल्या. सेन्टम इलेक्ट्रॉनिक्साचे शॅर्स, जांणी मिशना खातीर म्हत्वाचे मॉड्यूल्स आनी सिस्टम्सचू पुरवण केली. त्या कंपनीच्या शॅर्सांत 11 टक्क्यां परस चड वाड जाल्या. सॅटेलायट कम्युनिकेशन प्रोव्हायडर vantel, जांचें गिरायक स्वता ISRO आसा, तांच्या शॅर्सांत 12 टक्के वाड जाल्या. लिंडे इंडियाज, सेंटम इलेक्ट्रॉनिक्स, अवांटेल, हिंदुस्तान एरोनॉटिक्स लिमिटेड (एचएएल) ह्या कंपनीं वांगडा चांद्रयानाचे मोहिमेंत योगदान दिल्ले मोहिमेंत योगदान दिल्ल्या 9 कंपन्यांक फायदो जाला. आमची पिळर्णाची किनेको कंपनीय हातूंत आसा.
तज्ञ कितें म्हणटात?
मुंबय रावपी वेल्थमिल्स सिक्युरिटीज प्रायव्हेट लिमिटेडच्या स्ट्रॅटेजिस्ट क्रांती बथिनी हांणी सांगलें, चंद्र मिशन सारकिल्ल्या म्हत्वाच्या प्रकल्पांत वांटो घेतिल्ल्यान ह्या मळावेल्या कंपनींक संदी उक्त्यो जावपाक शकतात. फुडाराक त्यो जागतीक प्रकल्पांचो भाग जावंक शकतात आनी तांचीं उत्पादनां आनी सेवा निर्गत करूंक शकतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
