भांगरभूंय | प्रतिनिधी
पणजी, प्रतिनिधी : गोंय सरकारा वतीन दितात, तो दिलीप सरदेसाय खेळां उत्कृश्टताय पुरस्कार अंदूं दिवचे नात. निवड समितीचे बसकेंत योग्य उमेदवार मेळूंक नाशिल्ल्यान 2023-24 वर्सा खातीर हो पुरस्कार रद्द केल्ल्याची घोशणा केल्या. गोंय सरकाराच्या खेळां सचिवाचे अध्यक्षते खाला ही बसका हालींत बांबोळे जाली.
ह्या पुरस्काराची प्रतिश्ठा चड आशिल्ल्यान तो फकत वांटो घेवपी खेळगड्याक न्हय तर पदक मेळयिल्ल्या खेळगड्यांक दिवचो अशें खेळा सचिवान सांगलें. समितीच्या वांगड्यांनी खेळां सचिवांच्या मता कडेन सहमती दाखयली आनी अर्ज केल्ल्या चार खेळगड्यां मदीं एकल्याचीय ते खातीर पात्रताय ना अशें तांचें मत आशिल्लें. 29 ऑगस्टाक जावपाचो आशिल्लो हो पुरस्कार सुवाळो आतां रद्द जाला.
निवड समितीचे बसकेंत खेळां आनी तरणाटे वेव्हार संचालक, कार्यकारी संचालक (एसएजी) ब्रह्मानंद शंखवाळकार आनी गोंय ऑलिंपिक असोसिएशनाचे सरचिटणीस गुरुदत्त भक्ता हांचोय आस्पाव आशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
