परवां शनी पृथ्वीच्या सगळ्यांत लागीं
भांगरभूंय | प्रतिनिधी
३० ऑगस्टाक दिसतलो ब्ल्यू मून
मुंबय, खबरां संस्था : येता त्या २७ आनी ३० ऑगस्टाक व्हड खगोलीय घडणुको घडटल्यो. २७ ऑगस्टाक शनी पृथ्वीच्या सगळ्यांत लागीं उदेंतेक दिसतलो. उपरांत ३० ऑगस्टाक मळबांत ब्ल्यू मून दिसतलो. चंद्राचो रंग मात्सो निळसार आसतलो. शनी पृथ्वी पसून एक अब्ज ३१ कोटी ६४ लाख ६१ हजार २६२ किलोमीटर अंतराचेर दिसतलो. ३७८ दिसां उपरांत ही घडणूक ८ सप्टेंबर २०२४ दिसा परत घडटली. ह्यान पयलीं १४ ऑगस्ट २०२२ दिसा शनी इतको लागींच्यान दिशिल्लो.
१ ऑगस्टाक सुपर मून दिसलो. खगोलशास्त्रज्ञां प्रमाण, जेन्ना म्हयन्याक दोन पुनव आसता तेन्ना अशें घडटा. पयले पुनवेक सुपर मून आशिल्लो. आतां ब्ल्यू मून दिसतलो. ह्या दिसा चंद्र मात्सो व्हड दिसतलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
