खंयचो ब्रेड भलायकेक बरो? ब्रावन काय व्हायट?
भांगरभूंय | प्रतिनिधी
नवी दिल्ली, खबरां संस्था : संवसारभर ब्रेड (स्लायसींचो पाव) विवीध तरेन वापरतात. कोण च्या सयत, कोण टोस्ट करून, जॅम लावन, सँडविचांत, ब्रेड पकोड्यांत आनी विंगड विंगड तरेन ब्रेड खातात. पूण आयज सगळीं जाणां फिटनेसा कडेनूय लक्ष दितात. ताका लागून चडशे लोक व्हायट ब्रेड सोडून ब्रावन ब्रेडाक प्राधान्य दिवपाक लागल्यात.
खरें म्हळ्यार व्हायट ब्रेड मैद्या पसून करतात. ताका लागून फिटनेस फ्रीक आसतात ते ब्रावन ब्रेडाक चड म्हत्व दितात. पूण ब्रावन ब्रेड खरोच भलायकी खातीर फायद्याचो? धवो ब्रेड रिफायन्ड पिठा पसून म्हळ्यार मैद्या पसून तयार करतात. ब्रावन ब्रेड गंव आनी हेर कड्डणां पसून तयार करतात. हातूंत फायबर, कार्बोहायड्रेट, साकर हें सगळें आसता.
भलायके खातीर ब्रावन ब्रेड
ब्रावन ब्रेड निरोगी मानतात, पूण केन्ना केन्नाय तातूंत मैदो, रंग, साकर आनी हेर जायते जीनस आसूं येतात. ब्रावन ब्रॅडाचो फकत रंग पळोवन तो घेवचो न्हय जाल्यार नामनेच्या ब्रँडांच्या पॅकेजींगा फाटल्यान दिल्ली म्हायतीय वाच्ची. तातूंत मैदो आसा काय ना हें तपासचें. कारण केन्ना केन्ना ब्रावन ब्रेड धव्या ब्रेडा परस तुमचे भलायकेक माल पडपाक शकतात. कारण तातूंत कृत्रिम रंगांचोय वापर करतात.
ब्रावन ब्रेडाचो फायदो
एका अभ्यासा प्रमाण, पुराय कड्डणाचो ब्रावन ब्रेड खाल्यार कुडींतल्या तंतूचो उणाव भरून काडपाक मदत जाता, जाल्यार तंतू तुमची पचन शक्तूय सुदारता. तशेंच कोलेस्टेरॉल नियंत्रीत करपाक मदत करपाक शकता. तुमी दर दिसा एक ते दोन होल ग्रेन ब्रेड खावपाक शकतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
