शिक्षण, संशोधन आनी नवनिर्मितीचें केंद्र जावपाची गोंय विद्यापीठा कडेन तांक
भांगरभूंय | प्रतिनिधी
राष्ट्रपती द्रौपदी मुर्मूचे हाजेरींत जालो दिक्षांत सुवाळो
पणजी, प्रतिनिधी : आयच्या संवसारात तंत्रज्ञान आनी नवनिर्मितीक खूब व्हडलें म्हत्व आनी स्थान आसा. तंत्रज्ञानाच्या वापरान शिक्षण, संशोधन आनी नवनिर्मितीन देशांतले उत्कृश्ठ केंद्र जावपाची तांक गोंय विद्यापीठा कडेन आसा, अशें राष्ट्रपती द्रौपदी मुर्मू हांणी सांगलें. राजभवनांत गोंय विद्यापीठाच्या ३४ व्या दिक्षांत सुवाळ्यांत मुखेल सोयरी ह्या नात्यान राष्ट्रपती उलयताल्यो.
गोंय विद्यापीठ नव निर्मितीक सदांच उर्बा दिता. डेटा सायन्स आनी आर्टिफिशियल इंटेलिजन्स ह्या मळांचेर प्रावीण्य मेळोवप आयच्या काळांत गरजेचें आसा. गोंय विद्यापीठ उंचेल्या शिक्षण संचालनालयाच्या सहकार्यान डिजीटल इंटीग्रेटेड सीस्टीम फाॅर होलिस्टिक टिचींग ऍन्ड वर्चुअल ऑपरेशन्स हो अभ्यासक्रम चलयता. ह्या अभ्यासक्रमा विशीं राष्ट्रपतींनी समाधान उक्तायलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
