आयज, खंय, कितें?
भांगरभूंय | प्रतिनिधी
० हेडलॅन्ड सडा- मुरगांवाच्या श्री इस्वटी ब्राह्मण लक्ष्मी नारायण देवळांत सावळो आनी राजाराम सीताराम मांद्रेकार हांच्या वतीन २४ ऑगस्टाक ७ ते ९ मजगतीं श्रावणी बिरेस्तार निमतान भजन जातलें. उपरांत आरती आनी तीर्थप्रसाद.
० श्रीकाडसिद्धेश्वर संप्रदायाच्या सिद्धगिरी गुरुकुल ट्रस्टाची बसका आयतारा 27 ऑगस्टाक सांजवेळार ४ वरांचेर उसप नानोडा- दिवचल हांगा जातली.
० 8 ते 10 सप्टेंबर मजगतीं, रेवरी हरियाणांत 10 वी वरिश्ठ राष्ट्रीय लगोरी सर्त जातली. ते निमतान शुक्रारा 25 ऑगस्टाक दनपारां 3 वरांचेर लगोरी खेळगड्यांची निवड चांचणी मल्टीपर्पज इनडोर स्टेडियम सांखळे जातली. चड म्हायती खातीर संतोष नायक 8698014663, संदीप पेडणेकार 8830166359 वा तन्वेश वेंगुर्लेकार 9518945687 हांचे कडेन संपर्क करचो.
० दिवचल इनर व्हील क्लबा वतीन 1 आनी 2 सप्टेंबराक गणेश चतुर्थी बाजार आयोजीत केला. हांतूत सजावटीच्यो वस्तू, कपडे, फराळ आनी हेर वस्तूंचे स्टॉल लावपाक एक हजार रुपया नोंदणी शुल्क घेतले. चड म्हायती खातीर मिलिंदा कामत 9822123530, लिंडा तेली 9823165054 हांचे कडेन संपर्क करचो, अशें कळीत केलां.
० चित्रकार आनी हौशी गायक संजय हरमलकार हे इन्स्टिट्यूट मिनेझिस ब्रागांझाच्या पालवान 26 ऑगस्टाक सांजवेळा 5 वरांचेर आयएमबींत ‘मुकेशजी की यादें’ कार्यावळ सादर करतले. तातूंत तांचे वांगडा तरणाटी गायिका विभा अलगुंडगी आनी हौशी गायिका प्रतिभा बोरकार गायतलीं. सिद्धी उपाध्ये निवेदन करतलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
