भांगरभूंय | प्रतिनिधी
भांगरभूंय | प्रतिनिधी
कर्नाटकान उदका प्रस्न गंभीरपणान घेतला. म्हादय, कावेरी, कृष्णा मेकेदाटू जल वादां संबंदी सगल्या पक्षांचें एक शिश्टमंडळ दिल्ली वचून प्रधानमंत्री नरेंद्र मोदी हांकां मेळटलें. राज्यांतल्या उदका प्रस्नांची तांकां म्हायती दिवन सगल्या प्रकल्पांच्या कामांक गती दिवची अशी मागणीय करतलें. उपरांत तें रानां आनी पर्यावरण मंत्री, उदकास्रोत मंत्री हांचीय भेट घेवन तांचे मुखार वस्तुस्थिती मांडटले. बेंगळूरू विधानसभा भवनांत जाल्ले सर्वपक्षीय बसकेंत हो निर्णय घेतला.
म्हादय येवजणे खातीर आजूनय पर्यावरण मंजुरी मेळूंक ना. हे विशीं केंद्रीय पर्यावरण मंत्र्याची भेट घेतले, अशी म्हायती कर्नाटकाचे मुख्यमंत्री सिद्धारमय्या हांणी पत्रकार परिशदेंत दिली. प्नधानमंत्री नरेंद्र मोदी हांणी हे विशीं सुचवण्यो करच्यो, अशें तांणी फुडें म्हणलें. कायद्यान लढाय लढपा खातीर कांयच उणें पडचें न्हय असो सल्लो तांणी ह्या वेळार कायदो सल्लागारांक दिलो. गोंयूय म्हादय बाबतींत न्यायालयांत गेलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
