तोंड मनशाचें, पांय ‘शहामृगा’चे
भांगरभूंय | प्रतिनिधी
कायम्बा, खबरां संस्था ः संवसारांत वेगवेगळे प्रकारचे प्राणी आनी सुकणीं मेळटात. जाल्यार दरेक वंश, जात, धर्माचेय लोक दिसतात. दरेका देशांतल्या लोकांची शारिरीक रचणूक कांय प्रमाणांत सारकी आसता, पूण तांचें तोंड वेगळें आसता. कांय देशांतले लोक खूब ल्हान आसतात जाल्यार कांय देशांनी लोक खूब उंच आसतात.
मनशाच्या पांयांक बोटां आसतात. पूण उत्तर झिंबाब्वेंतल्या कायम्बा वाठारांत रावपी एका जमातीच्या लोकांच्या पांयाक फकत दोन बोटां आसात. ही जात दुर्मिळ आनुवंशिक स्थिती खातीर फामाद आशिल्ली वाडोमा जात. हे जमातींतल्या लोकांचें पुराय आंग मनशा सारकें, पूण पांयांचें तळवे शहामृगाच्या पायां सारकें आसतात. पांयाचीं बोटां इतलीं व्हड आसतात की तांकां सामान्य मनशां भशेन जोतीं घालूंक मेळनात वा सारके चलूंक मेळना.
पांय अशे कित्याक?
हे जमातींतले चडशे लोक आनुवंशिक विकारांक बळी पडल्यात. हाका ‘इक्ट्रोडॅक्टिली’ वा ‘ऑस्ट्रिच फूट सिंड्रोम’अशें म्हण्टात. दुर्मिळ दुयेंसा प्रमाण इक्ट्रोडॅक्टिलीला स्प्लिट हँड/ फूट विकृताय (SHFM) अशेंय म्हण्टात. हें दुयेंस पांयाच्या बोटांचेर जाता. केन्ना केन्नाय पांयां वांगडा हाताच्या बोटांचेरूय हाचो परिणाम जाता.
डेली स्टाराच्या एका अहवाला प्रमाण, हे जमातीचे लोक जल्माक येतना एक वा चड बोटां आसतात. वाडोमा जमातींत जल्मल्ल्या दर चार भुरग्यांतल्यान एक भुरगो हो दुयेंसाक बळा पडटा अशें मानतात.
हेर जमातींनी हें दुयेंस पातळचें न्हय म्हणून ह्या लोकांक आपल्या जमाती भायर लग्न करपाक बंदी आसा. तरी लेगीत कालाहारी वाळवंटांतल्या तळोंडा वा तालौते कलंगा ह्या सारक्या हेर जमातींमदीय ही परिस्थिती आसा. खबरां प्रमाण, हो समाज तांच्या ह्या स्थितीक अपंगत्व मानीना.
हें सगळे कडेन ते आपली शक्त म्हणून पळयतात आनी ही स्थिती मनयतात. हाका लागूनच आयज ते झाडार चड नेटान चडूंक शकतात अशें हे जमातीचें मत आसा. हे जमातीचे लोक शिकार, नुस्तेंमारी, म्होंव एकठांय करप, झाडांचीं फळां काडप सारकिल्ली कामां करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
