भांगरभूंय | प्रतिनिधी
म्हापशें: पर्वरे एका बार्रांत पर्यटकांक गाळी संवून तांकां मारपेट केल्ल्या प्रकरणांत पुलिसांनी जेसन पिओ फुर्तादो आनी जेमीमाह वाझ हांचे आड गुन्यांव नोंद केला. हो प्रकार आयतारा रातीं 10 वरांच्या सुमाराक व्हिवा गोवा वायन अॅण्ड डायन हांगा घडिल्लो. ह्या मारपेटीचो व्हिडिओ सोशल मिडियाचेर व्हायरल जाल्लो.
वयले दुबावीत बार्राच्या कावंटराचेर पयशा वयल्यान कॅशियरा कडेन वाद घालून ताका मारपेट करताले. ह्या वेळार कागाळदार श्याम कृष्णन (केरळ) आनी ताच्या इश्टांनी दुबावीत जोडप्याच्या तावडेंतल्यान त्या कॅशियराची सुटका केली. हाका लागून दुबावितांनी कागाळदार आनी ताच्या इश्टांक गाळी संवून, धमकी दिवन मारपेट केली.
ह्या प्रकरणांत पर्वरी पुलिसांनी दुबावितां आड 323, 504, 427, 506(2) आनी 34 कलमां खाला गुन्यांव दाखल केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
