भांगरभूंय | प्रतिनिधी
पणजी, प्रतिनिधी : राष्ट्रपती द्रौपदी मुर्मू हांचे गोंय भेटेक लागून पुराय उत्तर गोंयांत तीन दिसां खातीर रस्ते खणपाचेर बंदी आसा. रस्ते खणपाचेर बंदी घालपी आदेश उत्तर गोंय जिल्होधिकारी मामु हगे हांणी जारी केला. 24 ऑगस्ट मेरेन बार्देश आनी तिसवाडी म्हाला खातीर हो आदेश आसा.
राष्ट्रपती मुर्मू आयज मंगळारा गोंयांत पावल्यो. 24 ऑगस्ट मेरेन त्यो गोंयांत आसतल्यो. रस्ते खणले जाल्यार रस्त्या पोंदच्या बीएसएनएलच्या वायरीक धक्को बसपाची शक्यताय आसा. मोबायल तशेंच इंटरनेट नेटवर्कांत इबाड जावचो न्हय म्हणून बीएसएनएलान रस्ते खणपाचेर बंदी घालपाची मागणी केल्ली. ताका लागून जिल्होधिकार्यांनी रस्ते खणपाचेर तीन दीस बंदी घालपी आदेश जारी केलो. राष्ट्रीय म्हामार्ग, राज्य मार्ग तशेंच पंचायत रस्तोय खणपाचेर बंदी आसा. फौजदारी दंड संहितेच्या कलम 144 खाला हो आदेश जारी जाला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
