भांगरभूंय | प्रतिनिधी
943 कोटींच्या प्रकल्पाचेर जातली चर्चा: 227 कोटी रुपयांच्या केंद्रीय प्रकल्पांक मान्यताय
पणजी : मुख्यमंत्री डॉ. प्रमोद सावंत म्हामंडळाचें वेवस्थापन सांबाळून तातुंतल्यान चडांत चड येणावळ मेळोवपा खातीर यत्न करतात. ताका लागून सोमारा म्हामंडळांच्या अधिकार्यांची बसका घेवन मुख्यमंत्र्यान फुडल्या कामांचो कृती आराखडो सादर करण्याचे निर्देश दिले.
मुख्यमंत्री सावंत हांणी बसके उपरांत पत्रकारां कडेन उलयतना सांगलें, फुडल्या काळांत म्हामंडळ खंयचे नवे प्रकल्प करतले, तशेंच केंद्र आनी राज्य सरकाराच्या खंयच्या येवजण्यां खातीर तांणी अर्ज सादर केल्यात, कशे तरेन ते महसूल वाडोवपा खातीर यत्न करतात, हे विशीं अहवाल सादर करपाचे निर्देश तांकां दिल्यात. तशेंच हीं म्हामंडळां कशीं चलतात, कितले पुराय वेळ आनी कंत्राटी कर्मचारी आसात हाचो आमी नियाळ घेतला असोय उल्लेख तांणी केलो.
कांय दिसां पयलीं एके कार्यावळींत उलयतना ज्या म्हामंडळा कडल्यान महसूल मेळना तीं म्हामंडळां बंद करपाचो विचार सरकार करता, अशें निवेदन मुख्यमंत्र्यान केल्लें. उपरांत दोन दिसांनी सगळ्या म्हामंडळाचें वेवस्थापन सुदारपाचे नदरेन यत्न करतले अशें तांणी जाहीर केलें. ते प्रमाण सोमारा मुख्यमंत्र्यान बसका घेतली.
केंद्रीय प्रकल्पांचेर जातली चर्चा
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
