प्रधानमंत्र्यांच्या निवासस्थानाचेर ड्रोन
भांगरभूंय | प्रतिनिधी
एसपीजीची दिल्ली पुलिसांक म्हायती: तपास सुरू
भांगरभूंय । खबरां संस्था
दिल्ली: प्रधानमंत्र्यांच्या निवासस्थानाचेर सकाळीं सुमार पांच वरांचेर ड्रोन उडटना दिसलो. ताका लागून सगळ्याक बोवाळ निर्माण जालो. एसपीजीन रोखडीच दिल्ली पुलिसांक हे विशीं म्हायती दिली. आतां मेरेनच्या हो ड्रोन मेळूंक ना. तो उडून खंयचे दिकेन गेलो हे विशीं चवकशी चालू आसा.
खाशेलो संरक्षण गट म्हळ्यार एसपीजी पुराय वेळ पीएम हाऊसांत तैनात आसता. सकाळीं सुमार पांच वरांचेर एसपीजीच्या अधिकार्यांक पीएम हावसाचेर ड्रोन उडटना दिसलो. पीएम हावसा भोंवतणच्या थळांची चवकशी चालू आसा. हो कोणे कट रचला काय आनी कितें हाचो तपास करता.
पीएम हावस, 7- लोक कल्याण मार्ग, नवी दिल्ली हांगा आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
