भांगरभूंय | प्रतिनिधी
फातोर्डा आर्लेम हांगां घडिल्ली घडणूक
मडगाव : फातोर्डाच्या इंपेरिअल एव्हेन्यू हे इमारतींत आशिल्ल्या देसी तडका हॉटेलांत रातच्या वेळार सिलिंडर स्फोट जालो. ह्या स्फोटाक लागून हॉटेलाचें लुकसाण जालां आनी हॉटेला भायर उबी केल्ली रेंट अ कार गाडयेचेंय लुकसाण जालां.
मेळिल्ले म्हायती प्रमाण, रातच्या बारा वरांचे सुमाराक हॉटेलांत सिलिंडर स्फोट जालो. ह्या स्फोटांत खुर्ची आनी मेजां सयत हॉटेलाच्या भितरल्या भागाचे लुकसाण जालां.
मजगतीं, हे इमारतीच्या वयल्या माळ्यार रावपी महबूब नालेगरान हॉटेला भायर रस्त्यार आपली स्वताची रेंट अ कार उबी केल्ली. हॉटेलांतल्या सामाना वांगडा सिलिंडर स्फोट जावन शटर मोडून गाडयेक धपको दिलो. गाडयेच्या ड्रायव्हरान सुमार देड लाखांचें लुकसाण जालां असो अदमास उक्तायला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
