भांगरभूंय | प्रतिनिधी
संवसारांतली पयली कंपनी
भांगरभूंय । खबरां संस्था
मुंबय : आयफोन आनी मॅकबुकची कंपनी Apple म्हत्वाच्या टप्प्यार पावल्या. 3 ट्रिलीयन म्हळ्यार 246.29 लाख कोटी रुपयांचें मार्केट कॅप आशिल्ली ही संवसारांतली पयली कंपनी थारल्या.
शुक्रारा Apple चे शेअर्स 2.3 टक्के वाडून रु. 15924.21 चेर बंद जालें आनी ताचें बाजार मोल 3.04 ट्रिलियन डॉलर्सांनी वाडलें. ह्या सप्तकांत ताचे शेअर्स सुमार 4 टक्के वाडले आनी अंदूं ते 55 टक्क्यां परस चड आसात.
तांचे उपरांत, मायक्रोसॉफ्टचे मार्केट कॅप 2.5 लाख कोटी (रु. 205.24 लाख कोटी) आनी सौदी अरामकोचे 2.08 लाख कोटी (रु. 170.76 लाख कोटी) आसा. Apple ची मूळ कंपनी Alphabet, Amazon आनी Nvidia हांची मार्केट कॅप 1 ट्रिलियनाच्या वयर आसा.
आतां Apple कंपनी 3 ट्रिलियन डॉलर्सची मार्केट कॅप आशिल्ली कंपनी जाल्या. फाटल्या वर्साचे विक्री किंमती प्रमाण अमेरिकेंत इतल्या मोलांतल्यान 90 लाख घरां विकतीं घेवं येता. तशेंच भारतात अॅपलच्या मार्केट कॅपा इतलो पयसो भारतीयांक वाटल्यार हांगच्या 140.76 कोटी लोकांक प्रत्येकी 1.75 लाख रुपया मेळपाक शकतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
