भांगरभूंय | प्रतिनिधी
सावयवेरें, प्रतिनिधी: बेताळभाट – सावयवेरेंचे योगेश्वर सुरेश सावंत (३६) ह्या पुलीस कॉन्स्टेबलान स्वताच्या घरांतूच गोळ घेवन आत्महत्त्या केली. ही घडणूक आयज सकाळीं घडली. भारतीय राखीव दळांत (आय.आर.बी. ) रायबंदर स्टेशनाचेर पुलीस कॉस्टेबल म्हणून तो सेवा दितालो.
पांच वर्सां फाटीं ताचो बापूय सुरेश सावंत ( मूळ रा. एकोशी – पोंबुर्फा) आनी आठ म्हयन्यां पयलीं आवयक मरण आयिल्लें. बेताळभाट – सावयवेर्या सुमार चार वर्सां हें सावंत कुटूंब आपल्या नव्या घरांत रावतालें. सध्या तो आपले धाकटे भयणी सयत रावतालो. आपल्या बॅडरुमांत नायलॉन दोरयेचे मजतीन गोळ घेतिल्ल्याचें अवस्थेंत तो भयणीक दिसलो. तिणें रोखडीच म्हाड्डोळ पुलीस स्टेशनाक म्हायती दिताच पुलीस उपनिरीक्षक सुशांत सांगोडकार हांणी हे घडणुकेचो पंचनामो केलो. ताची कूड पोस्टमोर्टेमा खातीर धाडल्या. आत्महत्त्येचें कारण आजून समजूंक ना. पूण कांय दिसां सावन तो ताणांत आशिल्ल्याची म्हायती मेळ्ळ्या. पुलीस फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
