भांगरभूंय | प्रतिनिधी
नवी दिल्ली, खबरां संस्था ः सर्वोच्च न्यायालयान आपली कामाची पद्दत, चालू आशिल्ली सुनावणी आनी कामगिरी लोकां मेरेन पावोवपा खातीर म्हयनाळे खबरांपत्र सुरू केलां. ताका ‘सुप्रीम कोर्ट क्रॉनिकल’ अशें नांव दिलां.
मुखेल न्यायाधीश डी. वाय. चंद्रचूड हांणी सांगलें, हें दिसाळें सर्वोच्च न्यायालयाच्या कार्यावळी विशीं म्हायतीचो म्हत्वाचो स्रोत जातलो हाची म्हाका खात्री आसा. हाचे वरवीं लोकांक न्यायालयांतली भितरली आनी भायली सगळी म्हायती मेळटली.
ह्या दिसाळ्यांची पयली आवृत्ती जाहीर जावचे पयलीं मुखेल न्यायाधीशान म्हायती दिली की ह्या दिसाळ्यांतल्यान न्यायालयाच्या इतिहासाची झलक मेळटली, देशाच्या कायदेशीर परिदृश्याची व्याख्या करपी मुखेल निर्णय आनी दीसभर काम करपी व्हड लोकांची म्हायती मेळटली. न्यायालयीन सोपूत घेवपाच्यो रातच्यो कथा तुमकां मेळटल्यो.
ह्या दिसाळ्यांतल्यान न्याय दिवपाचे प्रक्रियेचेर उजवाड पडटलो अशी आस्त आसा अशें मुखेल न्यायाधीशान सांगलें. हाचे वांगडाच न्यायालयाचें काम सुदारपा खातीर सदांच कितले यत्न जातात तेंय लोकांक कळटलें. हाचे वांगडाच न्यायालयाचो पारदर्शकता, प्रतिबद्धताय आनी सुदारणांचो नवो प्रवास सुरू जाता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
