भांगरभूंय | प्रतिनिधी
म्हापशें, प्रतिनिधी: एके बायलेचे भाचयेक सरकारी नोकरी दिवपाचें सांगून २० हजारांची तोपी घाली. फटींगपणां करपाच्या प्रकरणांत कोलवाळ पुलिसांनी अमर मांद्रेंकार (पर्ये, सत्तरी) हाचे आड गुन्यांव दाखल केला. ही फटींपणाची घडणूक फाटल्या ९ नोव्हेंबर ते ८ डिसेंबर ह्या काळांत घडली.
कान्सा, थिवी हांगचे फिर्यादी बायलेक दुबावीतान आपूण सांखळे रवींद्र भवनांत कामाक आसता अशें सांगलें. उपरांत दुबावितान फिर्यादीक तिच्या भावाचे चलयेक ३ लाखांची सरकारी नोकरी मेळोवन दितां अशें सांगलें. उपरांत दुबावितान फिर्यादीचे भाचयेची सरकारी नोकरे खातीर वैजकी नोकरी करपाची आसा. ताका लागून २० हजार रुपया दुबावितान ते बायले कडल्यान घेतले. पूण दुबावितान सरकारी नोकरी मेळोवन दिवंक ना. तशेंच घेतिल्ली रक्कम परतूय दिवंक ना. आपल्याक फटल्ल्याचे फिर्यादीक कळटांच तिणें कोलवाळ पुलीस स्टेशनांत वचून कागाळ नोंद केली.
पुलिसांनी भा.दं.सं.च्या ४१९ आनी ४२० कलमा खाला दुबाविता आड गुन्यांव नोंद केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
