भांगरभूंय | प्रतिनिधी
पणजी, प्रतिनिधी : देशांत डिजिटल पेमेंट तशेच बँकांच्या खात्यांचो आंकडो वाडत आसा. सगल्यो सेवा लोकांच्या दारा कडेन पावोवपा खातीर सरकारी खात्यांनी आता कॅश काऊंटर बंद जातले आनी डिजिटल पेमेंट पद्दत सुरू जातली. सरकारी कर्माचाऱ्यां खातीर नव्यान घरबांधणी रिण येवजण सुरू जातली, अशे मुख्यमंत्री डॉ. प्रमोद सावंत हांणी सांगलें.
पर्वरे कौटिल्य नांव दिल्ल्या लेखा भवन इमारतीचें उक्तावण करतना तांणी ही घोषणा केली.
जन धन येवजणेक लागून 40 कोटी लोकांनी बँकांनी खाती उक्तीं केल्यात. सरकाराचो येवजण्यो सुटसुटीत करपाची प्रक्रिया सुरू आसा. पुर्तुगेज राजवटी पयलीं गोंयांत चालुक्य, कदंब अशो राजवटी आशिल्ल्यो. हो इतिहास लोकां मुखार येवपाची गरज आसा. पोरणी लेखा भवन इमारत ही 450 वर्सां पयलींची. तिची दुरुस्ती जातली, अशे डॉ. सावंत हांणी सांगलें.
नवे लेखा भवनाचेर 44 कोटी रुपया खर्च जाल्यात. फक्त अडेज वर्सांत ती पुराय जाल्या, अशेंय तांणी सांगले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
