भांगरभूंय | प्रतिनिधी
शेनवारा एके चलयेक आयिल्लें मरण
कोची, खबरां संस्था: केरळांतलें सगळ्यांत व्हडलें सबरीमाला देवूळ सध्या दोन म्हयन्यांच्या तीर्थयात्रे खातीर उगडलां. रान आनी दोंगराळ वाठारांतल्या ह्या देवळांत यात्रेकरु गर्दी करतात. सध्या हांगा भक्तांक दर्शना खातीर २० वरां परस चड वेळ वाट पळोवची पडटा. तमिळनाडूचे एके ११ पिरायेचे चलयेक शेनवारा दर्शना खातीर रांकेंत उबें राविल्ले कडेन काळजाचो आताक येवन मरण आयलें. पूण तिचेर बेगोबेग उपचार करपा खातीर कळाव जाल्ल्यान सबरीमाला हांगा योग्य वेवस्था ना अशें दिसून आयलें. हांगा ६० हजार लोकांक दर्शन करपाक मेळटा अशें म्हण्टात. हे खातीर नोंदणी करची पडटा. पूण दर दिसा हांगा १ लाखां परस चड लोक पावपाक लागल्यात. पूण हजारांनी लोकांक रांकेंत राविल्ले कडेन रस्त्यार वा रानांत रात सारची पडटा.
समस्या कितें?
केरळच्या मंदीर मंत्री के. राधाकृष्णन आनी त्रावणकोर देवस्थान मंडळाचे अध्यक्ष पी एस प्रशांत हांणी, वाडपी कागाळींक लागून अधिकारी आनी मंदिराच्या पुजार्यांची एक आपत्कालीन बसका आपयली. गर्दी वाडपाचें कारण म्हळ्यार देवळा मेरेन वेगान वचपा खातीर बॅरिकेड्स तोडप आनी रानांतल्यान शॉर्टकट घेवप. शेजारच्या राज्यांतल्यानूय यात्रेकारांची व्हड गर्दी जाल्या. २५ हजार लोक रानांतल्या रस्त्यान देवळा मेरेन पावल्यात. ताका लागून ही गर्दी जाल्या.
नोंदणी नाशिल्ले लोक पावले दर्शनाक
भाविकांनी कोर्टात याचिका दाखल केल्या. नोंदणे बगर रांकेंत रावनासतना ५ ते १० हजार लोक देवळा मेरेन पावतात, अशें ते याचिकेंत म्हणिल्लें. हाचेर केरळ हायकोर्टान म्हणलें, सबरीमालात भक्तांची गर्दी पळोवन तिर्थस्थळाचेर येरादारी वेवस्थेचे चवकशे खातीर पंगड स्थापन करता.
दर्शनाची वेळ वाडयली
देवळाच्या मुखेल पुजार्यांचे सुवातेर हेरांची नियुक्ती शक्य ना. दर्शनाचो वेळ एक वर वाडयला. सुरक्षा वेवस्था प्रभारी स्पार्जन कुमार हांणी, ह्या वेळार बायलो, भुरगीं आनी ज्येश्ठ भावीक चड येतात. ताका लागून भक्तांक ‘सर्गाचीं १८ सोंपणां’ वेगान चडपाक कळाव लागता. ताका लागून गर्दी वाडटा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
