भांगरभूंय | प्रतिनिधी
पणजी, प्रतिनिधी : गोंयांत अपघातांचें सत्र वाडतूच आसा. दिसान दीस मनशांकूच न्हय तर जनावरांकूय अपघातांत मरण येता. हें सगळें जेन्ना दोळ्यां सामकार घडटा तेन्ना मनस्ताप जाता. आयज एक असोच मनाक पीळ घालपा सारको व्हिडिओ व्हायरल जाल्लो पळोवपाक मेळ्ळो. ह्या व्हिडिओंत एक रस्ताद सुणो रस्त्यार बसला हें दिसता. इतल्यान फाटल्यानच्यान एक मर्सडीस गाडी येता आनी त्या सुण्या वयल्यान वता. गाडी गेल्या उपरांत सुणो तळमळत थंयच्यान वता, हें व्हिडिओंत दिसता.
मजगतीं, ह्या गाडी चालकाक पुलिसांनी केली अटक. कांय म्हयन्यां आदीं ह्याच गाडी चालकान आनीक एका सुण्याचेर अशेच तरेन गाडी घातिल्ली अशें कांय जाणंचें म्हणणें आसा.
हे विशीं आगशी पुलिसांनी चालकाचेर ४२९ आयपीसी आनी पिसीए, १९६० च्या कलम ११ (१ )(अ) गुन्यांव दाखल केला. त्या गाडी गेल्ल्या सुण्या वयल्यान गाडी गेल्ल्यान ताका मरण आयलें.
राज्यांतल्या जनावरां मोगींनी ही घडणूक सोशल मिडिया वरवीं पळयल्या. जनावरां मोगींनी हे घडणुके विशीं तिडक उक्तायल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
