भांगरभूंय | प्रतिनिधी
आमी आमचे दिसपट्टे जिणेंत पोट, काळीज आनी दोळ्यांची बरी जतनाय घेतात. पूण चडशे लोक आपल्या लिव्हराची काळजी घेवपाक विसरतात. लिव्हर आमचे कुडींतलो म्हत्वाचो भाग.
ह्या अवयवाची जतनाय घेवपा खातीर आहारांत आनी कांय संवयींत बदल करपाचो दोतोर सल्लो दितात. आमच्या कांय चुकांक लागून लिव्हराक लुकसाण जाता. लिव्हराची जतनाय घेवपा विशीं आयज आमी जाणून घेवया.
खुबशे हेल्थ एक्सपर्ट्स सांगतात, स्वताक क्रॉनीक डिजीज सावन वाचोवपाचें आसल्यार भलायकेची जतनाय घेयात. जे लोक अशें करिनात ताचें शरीर ल्हवल्हव दुबळें जाता.
हें खाल्यार लिव्हराक मार बसता
आमकां हेल्दी लिव्हर जाय आसल्यार रेड मीट, सोडा, सॉफ्ट ड्रिंक्स, सोरो आनी तेलकट जिन्नस खावचे न्हय.
ह्यो तीन संवयो सोडात
आमचे दिसपट्टे जिणेंत आमी कांय चुको करतात जाका लागून लिव्हराक व्हड लुकसाण जावंक शकता. तुमी कितें टाळपाक जाय तें पळोवया.
१) सकाळीं न्हिंदपाची संवय
कांय जाणांक सकाळीं न्हिदपाची वायट संवय आसता. दनपरां १० ते २० मिनटांचो पॉवर नॅप घेवपाक कसलोच त्रास जायना. पूण सकाळीं चड न्हीद घेतल्यार लिव्हराक खूब वायट थारूंक शकता.
२) रातचीं जागरणां करपाची संवय
कांय जाणांक रात मेरेन काम करपाची वा रातच्या वेळार पार्टी करपाची संवय आसता. अशे तरेन ते रातीं उसरां न्हिदतात. लिव्हराचे भलायकेक हें वायट.
३) खूब राग येवप
आपलो राग नियंत्रीत करप फकत मानसीक भलायके खातीर म्हत्वाचें न्हय, तर लिव्हराचे भलायके खातीरय फायद्याचें. देखून तुमचो मूड सदांच बरो दवरपाचो यत्न करात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
