भांगरभूंय | प्रतिनिधी
मडगांव : दवरली दिकरपाले वीज लायनी घालपाचो वावर करपी एक कामगार शाॅक लागून संवसाराक अंतरलो. ताचें नांव बलराम सरकार (49) अशें आसा.
मायणा- कुडटरी वाठारांतले लायटीचें काम काम हैदराबादचो कंत्राटदार विश्वनाथन करता. कंत्राटदारान अस्तंत बंगालांतल्यान कामगारांक हाडिल्ले. शेनवारा सकाळीं खांब्यार चडटना एकल्याचो लायटीचे सरयेक हात लागलो आनी तो सकयल पडलो. ताका थंयच मरण आयलें. दुर्घटनेची म्हायती पुलिसांक दिले बरोबर पुलीस रोखडेच थंय पावले.
घराक उजो
मांडोप नावेली रेहाना ख्वाजा हांच्या घराक उजो लागून दोन लाखांचें लुकसाण जालें. तर उजो पालोवपी दळान 50 हजारांची मालमत्ता वाटायली. उजो लागलो तेन्ना घरांत कोण नाशिल्ले. कामा निमतान सगले भायर गेल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
