भांगरभूंय | प्रतिनिधी
पणजी, प्रतिनिधी: परबांच्या हंगामांत पर्यटनाक मूळ गांवांत वा दुसर्या राज्यांत वचपाक कन्फर्म जाल्ली रेल्वे तिकेट मेळप खूब कठीण आसता. खासा करून दिवाळेच्या काळांत गाडयेंत कन्फर्म केल्ली बर्थ मेळप अशक्यूच समजा. प्रवाशांची व्हडली धांवपळ आशिल्ल्यान वेटिंग लिस्ट म्हयन्या पयलींच सुरू जाता. पूण, अंदूं दिवाळे दिसा तुमीय रेल्वेंतल्यान घरा वचपाचे आसात जाल्यार तुमकां एक बरी खबर आसा. आतां तुमकां सहजतायेन कन्फर्म जाल्ली रेल्वे तिकीट मेळूं येता.
रेल्वेन प्रवाशां खातीर नवी सेवा सुरू केली. रेल्वचे हे नवे सुविधायेंत तुमकां ट्रेन सुटपाच्या कांय वेळा पयलीं कन्फर्म तिकेट मेळपाक शकता. तुमकां तुमची कन्फर्म केल्ली तिकेट ट्रेन सुटपाच्या 10 मिनटां पयलीं मेळपाक शकता.
रेल्वेन प्रवाशां खातीर करंट तिकेट बुकींग नांवाची एक नवी सुविधा सुरू केल्या. हे सुविधायेचे मजतीन तुमी ट्रेन सुटपाचे कांय वेळा आदीं कन्फर्म तिकेट मेळपाक शकतात. रेल्वेंतलीं सगळीं सिटां भरचीं देखून रेल्वेन ही सुविधा सुरू केल्या. ताका लागून खंयचीच ट्रेन रिकामी वयची ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
