भांगरभूंय | प्रतिनिधी
मडगाव : हांगाच्या रवींद्र भवन हें एक वर्सा परस चड काळ नव्या अध्यक्षाच्या सोदात आशिल्लें. कला आनी संस्कृती संचालक सगुण वेळीप हांणी एका आदेशा वरवीं राजेंद्र तालक हांची अध्यक्ष म्हणून नेमणूक केल्या. जाल्यार मनोहर बोरकार हांकां उपाध्यक्ष म्हणून नेमल्यात. आदले आमदार दामू नायक हांणी नव्यान नेमिल्ल्या अध्यक्ष आनी उपाध्यक्षाक परबीं दिल्यांत.
रवींद्र भवनाचे अध्यक्ष वेंचणुके विशीं म्हाकां आताच समजलां आनी आयज सुटी आशिल्ल्यान अध्यक्षपद घेवपाची प्रक्रिया फाल्यां जातली. रवींद्र भवनाच्या कामा विशीं आनी समस्यां विशीं जाण आसा. सांस्कृतीक आनी कलेक वाव मेळचो हे खातीर गरजेचे बदल करतले. – राजेंद्र तालक
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
