म्हालगडो गीतकार देव कोहली अंतरले
भांगरभूंय | प्रतिनिधी
मुंबय, खबरां संस्था : हिंदी सिनेसृश्टींतलो म्हालगडो गीतकार देव कोहली (पिराय 81 वर्सां) हांकां काल मरण आयलें. फाटले तीन म्हयने तांचेर अंधेरीच्या अंबानी हॉस्पिटलांत उपचार सुरू आशिल्ले. 10 दिसां आदीं तांची स्थिती सुदारिल्ल्यान दोतोरांनी तांकां घरा धाडिल्लो.
100 परस चड सिनेमांचे गीतकार
देव कोहली हांणी ’लाल पत्थर’, ’मैंने प्यार किया’, ’हम आपके है कौन’, ’बाजीगर’, ’जुडवा 2’, ’मुसाफीर’, ’इश्क’, ’शूटआउट ऍट लोखंडवाला’, ’टॅक्सी नंबर 911’ सारख्या शेकड्यांनी सुपरहीट सिनेमांचीं गीतां बरयल्यांत. तांणी सलमान खान हांच्या ’मैंने प्यार किया’ ह्या सिनेमांतल्या ’कबूतर जा जा’, ’आजा शाम होने आयी’, ’आते जाते हाथते’, ’काहे तोसे सजना’ ही तांचीं पदां. ’लाल पत्थर’ सिनेमांतलीं ’ गीत गाता हूं मैं’; ’हम आपके हैं कौन’तलें ‘माई ना माई मुंडेर पर तेरी बोल रहा है कागा’, ’बाजीगर’ सिनेमांतलें ’काली काली आंखें’, ’जुडवा 2’तलें ’चलती है क्या नौ से बारह’, ’मुसाफीर’चें ’ओ साकी साकी’ हीं खुबशीं गाजिल्लीं गीतां तांणी बरयल्यांत. तांणी आपले कारकिर्दींत राम लक्ष्मण पसून अन्नू मलीक, आनंद मिलिंद, आनंद राज आनंद मेरेन खुबश्या व्हडल्या संगीतकारां वांगडा काम केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
