भांगरभूंय | प्रतिनिधी
म्हापशें, प्रतिनिधी ः हांगाच्या कदंब बस स्टॅण्डाच्या फाटल्यान ड्रग्स विकपा खातीर आयिल्ल्या दुबाविताक म्हापशें पुलिसांनी अटक करून ताचे कडल्यान ८५ हजारांचो ८५० ग्रॅम गांजो जप्त केलो. दुबाविताचें जार्जिस आलम (२२, रा. आसगांव, मूळ पश्चिम बंगाल) अशें नांव जावन आसा.
मेळिल्ले म्हायती प्रमाण, पुलिसांनी हो छापो सोमारा घालो. नव्या कदंब बस स्टॅण्डा फाटल्यान घुवळे वखदां विकतले अशी म्हायती पुलिसांक मेळिल्ली. ते प्रमाण सांपळो रचलो आनी जार्जीस हाका अटक केली. तपासणे उपरांत ताचे कडल्यान ८५० ग्रॅम गांजो आनी ३०० रूपया सांपडले. हो मुद्देमाल जप्त केलो आनी दुबाविताक अटक केली.
पुलीस निरीक्षक सीताकांत नायक हांच्या मार्गदर्शनाखाला उपनिरीक्षक यशवंत मांद्रेंकार हांच्या नेतृत्वा खाला पुलिसांक दुबाविताक अटक करपाक येस आयलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
