भांगरभूंय | प्रतिनिधी
न्हंयेंतलो चिखल उसपुपाचें काम रोखडेंच
पणजी, प्रतिनिधी : पावसांत म्हापशें न्हंयेक हुंवार येवन म्हापसा, गिरी, बस्तोडें जंक्शनाचेर उदक भरता. पावस चड पडलो जाल्यार रस्तो उदकापोंदा वता. ही समस्या पयस करपा खातीर म्हापशें न्हंय उसपुपाची येवजण आशिल्ली. ह्या कामाची निविदा बंदर कप्तान खात्यान जारी केल्या. हाका लागून थोड्याच दिसांनी ती न्हंय उसपुपाचो वावर सुरू जातलो.
न्हंयेंत चिखल भरला. हाका लागून पावसाचें उदक व्हावून वचना. तें भायर येता आनी सगळ्याक उदक भरता. हाका लागून पावसांत गिरी वा बस्तोडें जंक्शना वेलो रस्तो उदका पोंदा वता. हाचेर उपाय काडपाची मागणी आमदार ज्योशुआ डिसोझा हांणी केल्ली. म्हापसा तार ते मयडे मेरेन 5 किमी न्हंयेंतलो चिखल उसपतले. दोन मीटर खोलाय आनी 15 मीटर रूंद अशें न्हंयेचें पात्र आसा. चिखल उसपुपाचें काम मार्च 2024 मेरेन पुराय करपाची अट आसा. डिसेंबरांत काम सुरू करून तें मार्चांत पुराय करपाची अट निविदा पत्रिकेत आसा. म्हापशें न्हंयेंतलो चिखल उसपुपाच्या प्रस्नाचेर विधानसभेंत सुद्दा चर्चा जाल्या. फुडल्या पावसा पयलीं चिखल उसपुपाचें आस्वासन मुख्यमंत्री डॉ. प्रमोद सावंत हांणी चर्चे वेळार दिल्ले. हे प्रमाण कामाची निविदा जारी जाल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
