भांगरभूंय | प्रतिनिधी
म्हापशें, प्रतिनिधी ः मोरजेच्या गेस्ट हावसांत साताऱ्याच्या 29 वर्सां पिरायेचे चलयेचेर लिंगीक अत्याचार करपाच्या आरोपा वयल्यान पेडणें पुलिसांनी शुभम (यवतमाळ, महाराष्ट्र) हाका अटक केल्या.
बिरेस्तारा मोरजे गेस्ट हावसांत सातारा (महाराष्ट्र) हांगाच्यान 21 जाणांचो पंगड पर्यटनाक आयिल्लो. काल ह्या गटांतले एका तरणाट्या चलयेचेर लैंगीक अत्याचार जाल्ल्याचें उक्तें जालें. ह्या प्रकरणांत पेडणें पुलिसांनी तरणाट्याक अटक केल्या.
पंगडाचे कांय जाण दर्यादेगेर भोंवपाक गेले जाल्यार कांय जाण गेस्ट हावसांत रावलें. काल मध्यान रातीं 2.15 ते 2.30 वरांचे सुमाराक काळखांचो फायदो घेवन एका तरणाट्यान लिंगीक अत्याचार केलो. हे विशीं तिणें पेडणे पुलिशेंत कागाळ केली. ते प्रमाण पुलिसांनी चवकशी करून वयल्या दुबाविताक अटक केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
