भांगरभूंय | प्रतिनिधी
ह्या दिसांनी जायती सगळीं कामां फोनाचेर जातात, मागीर तीं बँकेचे आसूं, ऑनलायन वेव्हार आसूं वा वैयक्तीक डेटा आसूं. सध्याचे जिणेत मेबायल गरजेचो. पूण जायते फावटीं तुमचो मोबायल चोरी जाता वा शेंणटा तेन्ना तुमी भियेवंन कांय गजालीं कडेन दुर्लक्ष करतात. पूण अश्यां वेळार आमी कांय गजालीं लक्षात दवरुंक जाय.
सिम कार्ड ब्लॉक करचें
सगळ्यांत पयलीं तुमचो फोन चोरलो वा शेंणलो जाल्यार तुमी तुमचे सिम ब्लॉक करचे. नाजाल्यार तुमच्या मोबायल नंबराचो गैरवापर जावं येता. हे खातीर फोन शेणल्या उपरांत दूरसंचार ऑपरेटराक फोन करून तुमचें सिम कार्ड ब्लॉक करपाक सांगचे. देखून चोराक तुमचो बँकींग आनी वैयक्तीक म्हायती मेळची ना. डेबिट, क्रेडीट कार्ड आदी जायत्यो गजाली तुमच्या क्रमांकाक जोडिल्ल्यो आसतात. तुमी वेळार सिम कार्ड ब्लॉक करूंक ना जाल्यार तुमचें खातें रितें जावंक शकता.
मोबायल वॉलेट प्रवेश अक्षम करचो
सायबर फटवणूक करपी तुमचो फोन हातांत घेतले बरोबर तुमचें खातें सहज रितें करूंक शकतात. पेटीएम, फोनपे सारकिल्ले मोबायल वॉलेट खूब आसात. अशे परिस्थितींत फोन शेंणलो जाल्यार सिम कार्ड ब्लॉक करपा सयत मोबायल वॉलेटाचो प्रवेश ब्लॉक करप खूब म्हत्वाचें.
सीआयईआर पोर्टलाक भेट दिवची
ज्या लोकांचो फोन चोरला वा शेणला, तांचो मोबायल सेंट्रल इक्विपमेंट आयडेंटिटी रजिस्टर (CEIR) पोर्टला वरवीं ब्लॉक करपाक मेळटा. ह्या पोर्टलांतल्यान तुमी तुमचो फोनय ट्रॅक करूंक शकतात. ह्या पोर्टलाचेर मोबायल नंबर, आयएमईआय नंबर, एफआयआर नंबर अशे तपशील भरचे पडटात, मागीर तुमचें सगळें काम पुराय जाता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
