भांगरभूंय | प्रतिनिधी
मडगांव, प्रतिनिधी : कोकण रेल्वेमार्गार पयलेच फावट मडगांव रेल्वे स्टेशनाचेर प्रवाशां खातीर बॅटरीचेर चलपी गाडयेची सुविधा सुरू केल्या.
प्रवाशांक त्रास जावचे न्हय हे नदरेन ही गाडी सुरू केल्या. सुरवातेक ही सुविधा प्लॅटफाॅर्म क्रमांक १ चेर सुरू आसतली. कोकण रेल्वे संचालक (ऑपरेशन्स आनी कमर्शियल) संतोष कुमार झा हांणी स्टेशनाच्या प्लॅटफॉर्म क्रमांक १ चेर बॅटरेचेर चलपी गाडी आयज लॉंच केली. स्टेशनाचेर येवपी प्रवासी ९५६१६१२१३५ ह्या क्रमांकाचेर संपर्क करून हे सुविधेचो लाव घेवपाक शकतात. ही कार वापरप्या कडल्यान ५० रुपया तिकेट घेतले. हे खातीर डिजिटल पेमेंट स्विकारचे नात.
ज्येष्ठ नागरीक, दिव्यांग, गुरवारी आनी दुयेंत प्रवाशांक हे सेवेंत प्राधान्य दितले. ही सेवा पयलो येवप्याक पयलीं तत्वाचेर आसतली. बुकींग करिनासतना ही सेवा प्रवाशांक दितले, अशी म्हायती झा हांणी दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
