भांगरभूंय | प्रतिनिधी
मडगांव, प्रतिनिधी : मडगांव पालिकेंत घेतिल्ले बोटकार, रांपणकार आनी घाउक नुस्तें विक्रेत्यांची बसका जाली. नुस्तेंकारांनी मार्केटांत सोंपो कर एसजीपीडीए घेता, म्हणटकच तांणी नितळसाणूय करची. सोंपो निविदा येवंक नासून लेगीत एसजीपीडीएन नेमिल्ली एक व्यक्ती अवैध वसुली करून सतायता, तेन्ना तिचेर कारवाय करची अशी मागणी केली.
उच्च न्यायालयान एसजीपीडीए मार्केटा विशीं दिल्ल्या निर्देशा प्रमाण ठोक नुस्तें विक्रेते असोसिएशना वांगडा रांपणकार, बोटकार अश्या परंपरीक नुस्तेंकारां वांगडा बसका जाली.
मुख्याधिकारी शंखवाळकार हांणी ७ नोव्हेंबराक न्यायालयाचे सुनावणे वेळार दिल्ल्या निर्देशां प्रमाण परंपरीक नुस्तेंकार, ठोक नुस्तेकार असोसिएशनाची बसका घेतली. सध्याची मार्केटाची स्थिती जाणून घेतची. हे बसकेचो अहवाल न्यायालयाक सादर करतले. मार्केटा भायली किरकोळ नुस्तें विक्री बंद केल्या. मार्केटांत कसले तरेची विक्री जावची हें एसजीपीडीएन थारावचें. पालिकेन रस्त्यार पार्क केल्ल्यो गाडयो काडल्यात. मार्केटा भायर बशिल्ल्या किरकोळ नुस्तें विक्रेत्यांक काडल्यात. थर्माकॉल एकठांय करपा खातीर थारावीक जागो दिला. नुस्तें विक्रेते असोसिएशनान दिल्ल्या कामगारांक घेवन पालिकेन मार्केट नितळ केलां. नुस्तेकारांक सतावपी सोंपेकार कोण? एसजीपीडीएच्या ठोक नुस्तें मार्केटांत प्रवेश कर म्हणून एका वराचे पांचशें रुपया दिवन लेगीत मार्केट नितळ दवरिना. एसजीपीडीए पयशे घेतिल्ल्यान मार्केट नितळ करप गरजेचें, अशें तांणी म्हणलें.
पयशे एकठांय करपी नुस्तेकारांक सतायता असो आरोप साविओ डिसिल्वा आनी जुझे फिलीप हांणी करून ताका बसकेक आपयात आमकांय ताका पळोवपाचो आसा अशें म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
