भांगरभूंय | प्रतिनिधी
फोंडें, प्रतिनिधी : मंगेशी चर्ची लागसारा बुधवारा रातीं दुदाचो टेम्पो आनी स्कुटरीचो अपघात जालो. तातूंत स्कुटर चालक विराज दाभोळकार (३२, वेलींग) हो जखमी जाल्लो. ताका उपचारा खातीर फोंडेंच्या आयडी हॉपिटलांत व्हेल्लो. उपचारा मजगतीं ताका मरण आयलें.
हे विशीं चड म्हायती प्रमाण, विराज हो बुधवारा रातचो मंगेशीच्यान घरा वतालो. मंगेशी चर्ची लागसारा पावतांच पणजेचे दिकेन वचपी दुदाच्या टेम्पोन ताका धपको दिलो. टेम्पो चालक सलिमान सलीम शेख (३९, तिस्क उसगांव) हाका पुलिसांनी ताब्यांत घेतला. ह्या धपक्यांत मोटारसायकल चालक जखमी जालो. उपचारा मजगतीं ताका मरण आयलें. २ वर्सां फाटीं ताचें लग्न जाल्लें. विराज २८ तारखेक परदेशांत वचपाचो आशिल्लो. ताचे फाटल्यान ताची घरकान्न आनी भाव आसा. फुडलो तपास म्हाड्डोळ पुलीस करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
