भोमकारांचो लोकसभा वेंचणुकेचेर बहिश्कार?
भांगरभूंय | प्रतिनिधी
पणजी : भोमाच्यान राष्ट्रीय म्हामार्ग गेल्ल्यान हांगाचे ग्रामस्थ विरोध करतात. ह्या म्हामार्गाक लागून घरां तशेंच देवळांक धोको निर्माण जावपाचो हुस्को उक्तावन गांवकार फाटल्या कांय दिसां सावन बगल रस्त्याची मागणी करतात. भोमकारांनी केल्ले बगल रस्त्याचे मागणेचेर ते ठाम आसात. जर आमच्या मागण्यांची सरकारान दखल घेवंक ना जाल्या लोकसभा वेंचणुकेंत सरकाराच्या आड वचपाचो निर्णय भोमाच्या लोकांनी घेतला.
ग्रामस्थांच्या विरोधाचेर आडनदर करून बांधकाम खातें रस्त्याचें रुंदीकरण करपाचो यत्न करता. कांय दिसा पयलीं कला आनी संस्कृती मंत्री गोविंद गावडे हांकां ग्रामस्थ तशेंच देवस्थान समितीन आपोवन तांचें म्हणणें जाणून घेवपाचो यत्न केल्लो. पूण गावडे हांणी बांदकाम खात्यान तयार केल्ल्या आराखड्या प्रमाण एकाय घराक तशेंच देवळाक धोको नाशिल्ल्याचें लोकांक निदर्शनाक हाडून दिलें. तशेंच ग्रामस्थांनी खंयच्याय राजकारण्याच्या सांगण्या वयल्यान आंदोलन करचें न्हय ,अशें सांगिल्ल्यान कांय ग्रामस्थांनी तिडक उक्तायल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
