भांगरभूंय | प्रतिनिधी
कुपवाडा, खबरां सस्था: भारत- पाकिस्तान शिमेचेर कुपवाडा शारांत शिवाजी महाराजांचो पुतळो उबारला. ह्या पुतळ्याचें लोकार्पण महाराष्ट्राचे मुख्यमंत्री एकनाथ शिंदे हांचे हस्तकीं जालें.
सांस्कृतीक कार्य मंत्री सुधीर मुनगंटीवार हांच्या यत्नांक निमाणें येस आयलें. जम्मू काश्मीरांत नियंत्रण रेशे लागसारा कुपवाडा हांगां छत्रपती शिवाजी महाराजाचो पुतळो उबारपाचें तांणी थारायिल्लें.
मुख्यमंत्री शिंदे हांचे हस्तुकीं जम्मू- काश्मीरचे उपराज्यपाल मनोज सिन्हा हांचे हाजेरींत हो सुवाळो जालो. ह्या निमतान कुपवाड्यांत जावपी कार्यावळींत वीर बायलांचो भोवमान जालो. वीर शहीद कर्नल संतोष महाडिक हांकांय अभिवादन केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
