भांगरभूंय | प्रतिनिधी
भांगरभूंय । खबरां मेज
पणजीः गोंयच्या ताज एक्सोटिका रिसॉर्ट आनी स्पाक वर्ल्ड ट्रॅव्हल अॅवॉर्ड्सान ‘भारताचें मुखेल फॅमिली रिसॉर्ट’ म्हणून संवसारीक मान्यताय दिल्या. पर्यटन वेवसाय आनी उद्देगातंलो व्हो एक प्रतिश्ठेचो पुरस्कार आसा. आंतरराष्ट्रीय पांवड्यार आमकां परत एक फावट संवसारीक मान्यताय फावो जाल्ल्या ही आमचे खातीर अभिमानाची गजाल आसा, अशें ताज एक्सोटिका रिसॉर्ट आनी स्पाचो सरवेवस्थापक मानव मल्होत्रा हाणे सांगलें. अपवादात्मक सेवा दिवपाची आमची खर वचनबद्धताय आनी उत्कृश्टतायेचो आमच्या अखंड यत्नाची ही गवाय वर्ल्ड ट्रॅव्हल अॅवॉर्डसान आमकां दिवप हो एक व्हड भोवमान अशें ताणे सांगलें.
वर्ल्ड ट्रॅव्हल अवॉर्ड्स (डब्लूटीए) हॉस्टिटेलिटी उद्देगांत आशिल्ल्यांची सेवा पारखून तातूंत जाता तितली सुदारणा कपाक प्रेरणा दिता. पर्यटन उद्देगाक तांचें समर्थन आनी उर्बां मेळटा देखून दर वर्सा आपले सेवेचे दर्जो कसो वाडटलो हाचे कडेन पर्यटन उद्देगांत आशिल्ल्यांनी नदर आसता. डब्ल्यूटीए वर्स भऱयां सर्वसमावेशक कार्यावळ चालीक लावंन संप्रेशण मोहीम संवसारीक पांवड्यार चालीक लावंन पर्यटन उद्देगांतली सगळीं मळां आनी उत्पादन हातूंत बरो मेळ घडोवन हाडटा.
ताज एक्सोटिका रिसॉर्ट आनी स्पा व्हो गोयचों इंडियन हॉटेल्स कंपनीचो (आयएचसीएल) एक प्रतिश्ठीत हॉस्पिटेलिटी ब्रँड आसा. तो ताचे संवसारीक दर्जाचे सेवे खातीर फामाद आसा. ताज एक्सोटिकांत वर्सभर राष्ट्र मुखेली, संवसारांतल्यो नामनेच्यो व्यक्ती आनी हेर मानेस्तांचो राबितो आसता. तरेकवार लक्झरीनी परीपूर्ण आशिल्लें हें रिसॉर्ट भारतांतलें एक नामनेचें रिसॉर्ट अशी ताची देशांत आनी आंतरराष्ट्रीय मळार वळख आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
