बोटी बांदपी सगल्यांत व्हडली कंपनी
भांगरभूंय | प्रतिनिधी
माझगांव डाॅक लिमिटेड ही एक अशी कंपनी आसा जी भारतांत ३०० वर्सां जालीं, बोटी बांदता. हाची सुरुवात १७७६ त जाली. आदीं ल्हानशीं व्हडीं करप आनी मोडिल्ल्यो बोटी सारक्यो करप. आयज ह्या कंपनीची येणावळ ७.५ हजार कोटी आसा.
मुंबय ७ जुंव्यांचो आसा अशें मानतात. माझगांव हें तातूंतलें एक. आतां माझागांव फकत नांवान वळखतात अशें ना, माझागांव डॉक लिमिटेड ही त्या जाग्याची वळख. अठराव्या शेंकड्यांत विल्यम मॅककिनन आनी विल्यम मॅकॅन्झी ह्या दोन इंग्लीश लोकांनी ब्रिटीश तारवां दुरुस्त करपा खातीर हांगा जहाज दुरुस्ती यार्ड सुरू केल्लें.
माझागांव डॉक ही भारतांतली एकूच कंपनी, जी भारतीय सैन्याचीय गरज भागयता. ही कंपनी भारतीय नौदळा खातीर पाणबुडयो ते झुजारी जहाजां मेरेन सगळेंच तयार करता. १९६० उपरांत ताची नेटान वाड जाली. सरकारान ताका प्रीमियम झुजारी जहाज बांदपाचें यार्ड केलें. सरकाराचे येत्न येसस्वी जाले. माझगांव डॉक हाणें १९६६ वर्सा आयएनएस नीलगिरी हें पयलें झुजारी जहाज सोडलें.
भारताची पयली पाणबुडी माझगांव कंपनीन बांदली
भारताची पयली पाणबुडी १९६७ वर्सा उदकांत भितर सरली. तिचें नांव आयएनएस कलवारी आशिल्लें. ती बांदपी कंपनी म्हळ्यार माझगांव डॉक शिपबिल्डर्स लिमिटेड. भारत सरकारान ही पाणबुडी USSR कडल्यान विकत घेतली. ती हेच कंपनीन नेव्ही प्रकल्प-७५ खाला बांदल्या. ह्या प्रकल्पांत ६ पाणबुडयो आस्पावपाचें लक्ष्य नौदलान दवरिल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
