भांगरभूंय | प्रतिनिधी
नवी दिल्ली, खबरां संस्था: उण्या यत्नांनी पयशे कशे मेळोवचे हे विशीं सोशल मिडियाचेर जायते पोस्ट वा रिल्स पळोवपाक मेळटात. पयशे जोडपाच्या क्रियेटीव्ह मार्गा विशीं ह्या विडिओ वरवीं म्हायती मेळटा. अशें तरेन मेळपी जोडीक निश्क्रीय उत्पन्न (पॅसिव्ह) म्हणटात. म्हामारी उपरांत अश्या निश्क्रीय उत्पन्नाची वृत्ती व्हडा प्रमाणांत वाडल्या. तरणाटे नवेनवे सर्जनशील मार्ग सोदतात आनी ताका उत्पन्नाचो एक स्रोत करतात.
अमेरिकेच्या जनगणना ब्युरोच्या मतान अमेरिकन घरांतल्या २०% घरांक निश्क्रीय उत्पन्न मेळटा. वर्साक तांची जोड सुमार ३.५ लाख रुपया आसता. सुमार ३६% तरणाटे पयलींच कांय तरेचें निश्क्रीय उत्पन्न मेळयतात. बेकारी आनी सोशल मिडियाचो प्रभाव हीं तरणाट्यां मदीं अशे तरेची येणावळ मेळोवपा फाटलीच कारणां अशें जाणकार सांगतात. म्हारगाय आनी वाडट्या जिणेच्या खर्चाक लागून जायते तरणाटे उण्या उत्पन्ना खातीर चड वरां काम करपा पसून सुटका मेळोवपाक तरणाटे निश्क्रीय उत्पन्ना कडेन वळटात. कोवीड म्हामारी वेळार लॉकडावनाक लागून तरणाट्यां मदीं निश्क्रीय उत्पन्नाची आवड वाडल्या. तरणाटी पिळगी आतां पयशे जोडपा खातीर चड साधनसुविधा आनी लवचीकपणाचेर भर दिता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
