बाल शक्ती आनी बाल कल्याण पुरस्कारा खातीर अर्ज मागयल्यात

भांगरभूंय | प्रतिनिधी

मुंबय : खबरां संस्था : केंद्र शासनाच्या बायलां आनी बाल विकास विभागा वतीन बाल शक्ती आनी बाल कल्याण पुरस्कारां खातीर अर्ज मागयल्यात. ते www.awards.gov.in ह्या संकेत थळा वरवीं ऑनलायन पद्धतीन स्विकारतले. ह्या पुरस्कारांची म्हायती ह्या संकेत स्थळाचेर दिल्या. अर्ज करपाची निमाणी तारीख 31 ऑगस्ट जावन आसा.
बाल शक्ती पुरस्कार ज्या भुरग्यांनी (5 पिराये परस चड आनी 18 पिराये मेरेन) शिक्षण, कला, सांस्कृतीक कार्य, खेळ, नवे शोध, समाजीक काम आनी शौर्य अश्या मळांचेर तोखणाय करपी काम करप्यांक पुरस्कार भेटयतात.
बाल कल्याण पुरस्कार हो वैयक्तीक आनी संस्था पांवड्यार दितात. वैयक्तीक पुरस्कारां मदीं भुरग्यांची उदरगत, संरक्षण आनी कल्याण ह्या मळार कसलेच तरेचें वेतन वा मानधन घेनासतना मनीसपणाचे भावनेन उण्यात उणें सात वर्सां काम करपी व्यक्तीक हो पुरस्कार भेटयतात. संस्था पांवड्यार बाल कल्याण मळार अपवादात्मक काम करपी संस्थेक हो पुरस्कार भेटयतात. ही संस्था पुरायेन निधीचेर निंबून आसची न्हय. बाल कल्याण मळार सुमार 10 वर्सां तरी काम करपी आसची.