भांगरभूंय | प्रतिनिधी
मडगांव : मंत्री बाबूश मोन्सेरात हांचे आड सुरू आशिल्ल्या बलात्कार प्रकरणांतले सुनावणे वेळार ४४ क्रमांकाच्या साक्षीदाराक हाजीर रावचे खातीर समन्स जारी करूनय तो हाजीर रावूंक ना. ताका लागून न्यायालया कडल्यान जामीनपात्र वॉरंट दिवपाचे निर्देश दिल्यात. हे विशीं फुडली सुनावणी १३ डिसेंबराक जातली.
बलात्कार प्रकरणांत मंत्री बाबूश मोन्सेरात हांचे आड दक्षीण गोंय जिल्हो विशेश न्यायालयांत सुनावणी सुरू आसा. हे विशीं बाबूश हांकां कायमचे हाजीर न रावपाची परवानगी न्यायालयान दिल्या. शुक्रारचे सुनावणे वेळार दुबावीत रोझी फेर्रांव हाजीर रावूंक ना. आदीं पीडितेची साक्ष आनी उलट तपासणी प्रक्रिया पुराय जाल्या. आदीं पिडितेची फेरसाक्ष नोंद करपाक परवानगी न्हयकारल्या. जाल्यार कांय साक्षीदारांक सोडून दिवपाचे मागणेक परवानगी दिल्या. फाटले सुनावणे वेळार दोग साक्षीदारांक सुनावणे खातीर हाजीर रावपाचे समन्स जारी केल्ले. तांतले साक्षीदार भरत पाटील हांची साक्ष नोंद केल्या. बुधवारचे सुनावणेकूय दुसरो साक्षिदार हाजीर रावंक नाशिल्ल्यान जामीनपात्र वॉरंट जारी करपाचे निर्देश दिल्यात. हे विशीं फुडली सुनावणी १३ डिसेंबराक दनपरां अडेजांक सुरू जातले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
