भांगरभूंय | प्रतिनिधी
म्हापशें, प्रतिनिधी: गोंयांत फेरीबोट सेवा ही एक आगळीच सेवा जावन आसा. हेर कडेन ही सेवा उपलब्ध ना. हे सेवे खातीर शुल्क घेतल्यार ते लोकांक अर्थीक नदरेन परवडचेंना. सरकारान सामान्यांक ही फेरी फुकट उपलब्ध करून दिवची, अशें मत आमदार मायकल लोबो हांणी उक्तायलें.
राज्यांत फेरीबोट प्रवास शुल्क वाडोवपाच्या प्रस्तावा वयल्यान सुरू आशिल्ल्या वादाचेर आमदार लोबो उलयताले.
हे विशीं आपूण न्हंय परिवाहन मंत्री सुभाष फळदेसाय आनी मुख्यमंत्र्या कडेन चर्चा करतलों. तांकां हो निर्णय बदलून फुकट सेवा दिवपाची मागणी करतलों. ही फेरी सेवा एक अद्वितीय सेवा. सामान्य लोक हे सेवेचो दिसा तीन ते चार खेपो वापर करतात, अशें लोबो हांणी फुडें म्हणलें.
दोन चाकी खातीर हो दर वाड व्हड न्हय. पूण सदांच हे सेवाचो लाव घेवपी सामान्याक ह्या दर वाडीचो फटको बसतलो. हे लक्षांत घेवन मुख्यमंत्र्यान सकारात्मक विचार करून ही सेवा फुकट करची, अशें ताणें म्हणलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
