भांगरभूंय | प्रतिनिधी
पणजी, प्रतिनिधी ः फेरीबोटींत सध्या चार चाकी वाहनां कडल्यान तिकेटीच्या स्वरूपात सरकाराक येणावळ येता. ही येणावळ खर्चाच्या फकत 2 टक्के मेरेन येता. तिकेटीच येणावळीची व्हड प्रमाणात गळटी जाता, अशें न्हंय येरादारी मंत्री सुभाष फळदेसाय हांणी सांगलें.
फेरीबोट चलोवपा खातीर वर्साक 17 ते 18 कोटी रुपया खर्च येता. तिकेटींतल्यान वर्साक सुमार 70 लाखांची येणावळ येता. तिकेटीच्या येणावळीची व्हड प्रमाणात गळटी जाता. देखून पास पद्दत चालीक लावप हो गळटीक आळाबंद घालपा खातीरचो बरो उपाय जावन आसा. फेरीबोटींतल्यान सेगीत जे प्रवास करतात, तांका पास पद्दत योग्य आसा. गळटी बंद करपा खातीर तिकेट पद्दतीचे डीजीटायजेशन जावपाचें आसा, अशें तांणी सांगलें.
1995 वर्सा दुचाकी खातीर फेरीबोटींत तिकेट आशिल्ली. उपरांत ती बंद जाली. फेरीबोटींत नवे तिकेट दर तशेंच दुचाकीक तिकेट लागू करपाच्या निर्णयाक लोकांनी सहकार्य करचे असो उलो तांणी मारला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
